跳出框框又攬住框邊
#幼稚園面試班
#小一面試班
#playgroup
其實完左我第十年既幼稚園教學生涯後，我就半隻腳離開左幼稚園，
想抖下又想離開下。
好感恩係朋友既協助下，我見識到兩種唔同形式既playgroup。
係唔同既層面體驗左「理想既幼兒教育」，貼地同離地既定義，真係因人而異。
大家都口口聲聲話唔好迫小朋友，
但面對幼稚園面試同小一面試，
真係唔容易聽天由命⋯⋯
所以市面上出現左-面試班
係大家以為「催谷」小朋友，小朋友一定好可憐咩？其實係睇你識唔識教！
我見到既係小朋友學得開心又做到考幼稚園要求，
我帶班時我都帶得輕鬆又開心，
一來無背後繁重既文書工作，無教育局唔現實既要求，二來小小班教學，人生第一次享受到同小朋友有極豐富既互動，教到知識教到禮貌，而且只係將以前做左十年既野做出個精華版，相當有滿足感！
對我嚟講，呢種面試班貼近家長現實需要，又乎合老師理想教育，是貼地又理想。
另一種係以理想行前的玩樂形playgroup，小朋友係爸爸媽媽既脅持下跟住老師擺動身體玩波玩樂器，其實我一樣教得開心，同小朋友唱歌跳舞講故事一直都係為屍最喜歡既工作之一！只係家長話唔想迫小朋友太早接受學術知識，但又話我知想入乜乜乜名幼⋯⋯我望住碌地發脾氣既bb頭，真係有少少唔忍心講個事實佢知，只係提家長記得報返d免費幼稚園⋯⋯
對我嚟講，呢類型家長係有理想但太理想，真離地。
搵學校呢個遊戲真係無得避，或者係殘酷既現實入面搵到愉快既生存方法會係大人同小朋友既其中一條出路！
Search